A. Purwaka
Sajrone
panguripan maneka warna kadadeyan-kadadeyan kang kita temoni, ana kang
ngejutake, ana kang nyenengake la nana uga kang nyusahake, kabeh kedadeyan kuwi
mau ora isa uwal saka panguripan kita, merga sajrone panguripan ana dalan
cerita kang kasusun kanthi apik dening kang maha kuwasa. Saka iku ana salah
sijine karya sastra kang kerep gawe cerita saka panguripan, uga anggone
nyeritakake, jupuk saka pnguripan kang nyata.
Cerkak minangka salah sawijine karya
sastra kang umum lan asring kita temoni ing jagading sastra jawa, akeh kang
tertarik marang cerkak merga saka ceritane kang enteng lan gampang ditemoni ing
majalah-majalah, saliyane iku anggone maca cerkak ora merlokake wektu kang
suwe, isa gawe ngisi wektu kosong, lan maneh biasane cerkak iku ceritane akeh
sing dijupuk saka panguripan, dadi akeh piwulang kang isa dijupuk saka cerkak.
Sajrone ngritik karya sastra ana
dhasar-dhasar kang ngeliputi telung aspek, yaiku, aspek historis, aspek
rekreatif lan aspek penghakiaman. Saben aspek duweni sesambungan karo aspek
kang liya kang ana sajroning karya sastra. Kritik historis gegayutan marang
kapribaden lan orientasi historis, kritik rekreatif gegayutan marang kapripaden
lan artistike kang istimewa, lan kritik penghakiman kang gegayutan marang nilai
utawa kadar artistike. Dadi anggene ngritik sawijine karya sastra ora
sembarangan, kudu nggatekake katelu aspek kasebut.
B.
Andharan
Stanton (sajrone Nurgiyantoro, 2005:113) ngandharake Manawa alur
yaiku crita kang isine urutan kedadean, nanging saben kedadean iku disambungake
kanthi sabab akibat. Alur dhewe bisa kaperang dadi telu adhedhasaurutane wektu
yaiku alur maju, alur mundhur/sorot balik, lan alur campuran. Miturut Luxembrug
dkk (1991:150) kedadeyan bisa ditegesi minangka gantine kahanan siji ing
kahanan liyane.Konflik miturut Nurgiyantoro (2005:124) diperang dadi loro,
yaiku konflik eksternal lan konflik internal. Konflik eksternal nduweni teges
konflik kang dumadi antarane paraga klawan samubarang ing sajabane, bisa klawan
kahanane sakupenge utawa klawan manungsa liyane. Konflik Eksternal kaperang
dadi loro yaiku konflik fisik lan konflik social. Konflik fisik yaiku konflik
kang mujudake pertentangan antarane
manungsa karo kahanan, kaya banjir, longsor, wayah ketiga, lan liya liyane.
Dene konflik social yaiku konflik kang mujudake pertentangan antarane manungsa
kang disebabake amarga anane prakara-prakara kang tuwuh ing urip bebrayan.
Sajroning pengaluran uga
ana kang diarani teknik pengaluran, teknik pengaluran yaiku cara penulis gawa
ceita, utawa nyeritaake kedadean-kedadean kanthi apik,. Kanthi tenik pengaluran
suspense kang duweni teges “rasa
ingin tahu” jelas pamaos digawe penasaran saking ceritane, lan maneh teknik
pengaluran foreshadowing kang duweni
teges “pembayangan” pamaos digawe ngangen-angen dewe kepriye critane kang isih
akeh nuwuhake pitakon-pitakon, uga teknik pengaluran surprise kang duweni teges “kejutan” pamaos digawe ora ngira yen
ceritane bakal ujug-ujug ana kang nyeleneh, lan ora dinuga sadurunge.
1. Suspene
Ing sajrone cerkak
“AYAHE SADEWO” iki kang mujudake suspene kaya
pedhotan ing ngisor iki:
“Jengkelku gak
karu-karuwan nyawang bocah situk iki. Wis tekane telad, sragame gak pepak,
bukune onok sing keri, sandhalan pisan! Tekane mben dina paling cepet nalika
ndoga wis mari. Taketung neng buku kasus, wis ping enem tandha tangan
pelanggaran”
Saka pedhotan ing dhuwur, nuwuhake rasa pengin eruh kenapa
kok paraga Sadewo iku isa kaya ngono, isa dadekake rasa penasaran tumrap
nerusake anggone maca cerkak kasebut.
2. Foreshadowing
Kang nuduhake teknik pengaluran foreshadowing sajrone cerkak iki kaya pedhotan ing ngisor iki:
“Sapa wae sing
kenal aku mesthi jik eling piye lelakone tresnaku jaman semana. Abimanyu
Prasetyo, gegantilaning atiku sing nganti seprene jik ngiseni atiku, ilang
nalika munggah gunung”
Saka pedhotan ing dhwur tuwuh pembayangan saka
pamca, kepriye lelakone tresnane paraga ing jaman biyen, lan uga bayangake
kepriye saiki pawongan kang ditresnani kang ilang nalika munggah gunung kuwi.
3. Surprice
Kang nuduhake teknik pengaluran surprice sajrone cerkak iki kaya pedhotan ing ngisor iki:
Pedhotan 1
“Bu, kula suk
liburan badhe teng Bali. Nderek ayah golek ibuk malih, teng Bali onten sedulure
ayah sing purun dados ibuk kula,”
Pedhotan 2
“Ngerti gak
Dhik, mbiyen nalikane sampeyan sakosan karo adhikku, sampeyan nate takrequest dadi pacarku. Eman, aku kalah
cepet karo sapa iku…”
Pedhotan 3
“Nganti
wengi iki ana sms mlebu bu
guru, eh… Dhik Arini saupama sampeyan takjak nang Bali, piye? Kersa ta?
Dudu merga aku
golekna ibuk kanggo Dewo. Ning atiku kepilut sampeyan.
Nang Bali iku kanggo bulan madu, hla sakdurunge ayo
ijaban dhisik, setuju?”
Saka pedhotan 1, 2, lan 3, isa didelok
kepriye surprice sajrone cerkak “AYAHE SADEWO” iki, saka pedhotan 1,
diceritakake yen ayahe sadewo bakal golek ibuk anyar ning Bali, nanging ing
pedhotan 2, diceritakake yen ayahe sadewa biyen tau nresnani lan pengin dadi
pacare Bu Arini, lan kang dadi surprice banget ing pedhotan 3, nalika ayahe
sadewo ngajak Bu Arini nyang Bali saprelu gawe bulan madu, ning sadurunge
ngajak ijab dhisik. Kabeh iki ndadekake surprice tumrap paraga uga pamaca.
C.
Panutup
Kaya mengkono alur
sajroning cerkak “AYAHE SADEWO” anggitane Eni Siti Nurhayati, cerita iki kalebu apik
dideleng saking cara nyeritakake, akeh bab-bab kang narik kwigatene pamca
kanggo nerusake anggone maca cerita kasebut, cerita kang nganggo teknik
pengaluran Suspene, foreshadowing, lan surprice kaya cerita iki kalebu cerita
kang apik, merga ora bosenake. Mula sabanjure muga akeh pangripta kang gawe
teknik pengluran kaya mangkene. Lan muga karya sastra Jawa saya ngerembaka.
Daftar Rujukan:
Aminuddin, 2011. Pengantar
Apresiasi Karya Sastra. Bandung: Sinar Baru Algensindo
Nurgiyantoro,
Burhan, 2007. Teori Pengkajian Fiksi.
Yogyakarta: Gajah Mada University Press
Harjana,
Andre, 1994. Kritik Sastra: Sebuah
Pengantar. Jakarta: Gramedia Pustaka Utama
1 komentar:
Why you should avoid the Baccarat casino
Many 제왕카지노 people are unaware of the 바카라 advantages of Baccarat and that it's one of 1xbet the most convenient bets in the world. But,
Posting Komentar